Saga býflugnaræktar á íslandi
Ekki eru neinar ritaðar heimildir um býflugnarækt á Íslandi mér kunnugar fyrr en á tuttugustu öldinni.

Árið 1934 var gefin út bókin Býflugur hjá Bókasafni Þjóðvinafélagsins , þýðing Boga Ólafssonar á bók Maurice Maeterlinck og kostaði 7 kr.(mér var gefin þessi bók f nokkru síðan og ætla að skanna hana inn á heimasíðuna)

Árið 1936 og ´38 voru bú flutt til landsins frá Noregi. Þau gáfu um 10 kg af hunangi en lifðu ekki af veturna.

Árið 1951 flutti Melitta Urbancic (frá Austurríki) inn bú frá Skotlandi og ´52 og ´53 frá Noregi og hélt býflugur í Reykjavík í nokkur ár. Býræktarfélag Íslands var stofnað á þessum tíma en1960 var Melittu gert að fjarlægja (drepa) búinn vegna óánægju nágranna.

Árin 1975 og ´76 flutti Olgeir Möller inn bú frá Danmörku en þessi bú lifðu ekki af veturna. 

´98

Ég hafði ræktað býflugur í Svíþjóð árin 88-98 og flutti með mér 5 bú til landsins í ágúst 98, 2 stærstu búin drápust á leiðinni í flugvélinni (þetta er algengt þegar búin verða fyrir mikilli streitu- fá "hitaslag") Búin gáfu 25 kg hunang samtals 

´99

Um sumarið brögguðust búin og voru vel stór að hausti. Eitt bú drapst um veturinn en annað bú kom mjög lítið undan vetri. .

Veturinn 2000 hélt ég námskeið í býflugnarækt í mars-maí  og tóku þátt 8 mans sem öll hafa haldið áfram og fleiri hafa bæst við smám saman. 
Býflugnaræktendafélag Íslands (Bý) var stofnaðþað sumar. Við fluttum inn okkar fyrstu sendingu af flugum frá Svíþjóð, fengum 2 sendingar (samtals 16 "fötur " hristi sverma) það sumarið, seinni sendingin misheppnaðist algerlega -það rigndi í föturnar á flugvellinum í Svíþjóð og allt drapst.

Þessi samfélög drápust því miður um veturinn vegna smæðar -fengum þær í lok júlí og þær náðu ekki að byggja upp fjölda/styrk til að halda hita.


2001
Aftur reyndum við innflutning  og nú frá Noregi með Norrænu. Af 18 búum lifðu 16 af ferðina. Þetta voru óvenju árásargjarnar og leiðinlegar flugur að vinna með en af 8 búum sem tekið var frá fengum við 70 kg af hunangi.

.

2002

 Einungis 2 bú lifðu af veturinn(´01-´02) en þau voru staðsett fyrir opnu hafi á Stokkseyri í eign G. Rúnars Óskarssonar Búin á Stokkseyri voru flutt til mín um sumarið vegna þess að ekki var hægt að hafa þau nærri fólki vegna árásarhneigðar. Annað búið missti drottningu sína við þetta eða fyrr en þær ólu upp nýja  sem eðlaði sig við Elliðavatn(heima hjá mér) í byrjun ágúst og vetruðum við 2 samfélög en eitt búið dó um veturinn hitt lifði 03.
Engin bú fengust keypt frá Svíþjóð þetta árið.

2003

Það næsta sem var  reynt var að fá keyptar flugur í byrjun sumars frá Svíþjóð en eftir að svíar höfðu upplifað sinn versta vetur hvað varðar vetrardauða búa, þá náðist einungis að fá keypt 4 bú sem ég sótti sjálfur og kom með til landsins 5 júní. Í einu búana drápust nær allar flugurnar nema drottningin og í öðru drapst drottningin við flutninginn.

Í drottningalausa búinu ólu flugurnar upp nýa drottningu  en hún misfórst líklegast við mökun (drottningar fljúga út og eðla sig við allt að 2 tugi karldýra (drunta) á fyrstu vikum æfi sinnar). Ég sló því saman búunum 2 ,hafði þó styrkt hina fáliðuðu drottningu með flugum og römmum með lirfum en þá tóku hinar aðfluttu upp á því að drepa drottninguna.

Eitt búana var mjög stórt(fjöldi flugna) og í því mikið hunang (gaf 60 kg)en annað er heldur minna enda dr þar 3 ára gömul (blámerkt frá 2000).

 Búið frá Stokkseyri gaf 13 kg.

2004

Veturinn ´03-04 dóu mín bú.
Ekkert fékkst keypt frá Svíþjóð því var leitað annarra ráða og leitað til Noregs og hringt út um allar trissur, þar til  býflugnabóndi einn , sem ætlaði að hætta með býflugnarækt var tilbúinn að selja okkur, en Smyrilline þverneitaði að flytja flugurnar, nema helst í skotheldum, eldvörðum gámi og varð því ekkert úr innflutningi. Eitt bú Rúnars lifði veturinn og var því gripið til þess ráðs að kaupa drottningar frá Svíþjóð, sem að gekk með ágætum. 4 drottningar voru keyptar en það kom í ljós að þessar drottningar voru tæknifrjóvgaðar og þegar búunum var skipt var móðurbúið búið að draga upp drottningu, þannig að 2 drottningar fóru forgörðum á fyrrnefndan hátt, þ.e.a.s. 1 þá ófrjó, en hin drepin


2005

Nú sótti ég 30 bú frá Tysnes (rétt sunnan við Bergen) og flutti heim með Norrænu, öll búin lifðu ferðina voru illa árásargjörn en mikill var áhugi og ánægja manna og kvenna með að vera búinn að fá flugur aftur. Við keyptum gæfar drottningar frá Svíþjóð og skiptum á þeim leiðinlegu, reyndum að fjölga búum með afleggjurum. 


2006

15 bú lifðu af veturinn. Sænskar drottningar voru pantaðar og komu í lok júlí, eftir miklar hrakfarir og var fyrst og fremst skipt út þeim árásagjörnu, norsku drottningum sem eftir voru og auk þess að nokkur ný bú voru mynduð. 



20007

Um miðjan maí voru 15 bú lifandi eftir veturinn en gleðin minnkaði nokkuð fram eftir sumri því að nokkur bú drápust snemma sumars og voru einungis 9 bú lifandi um mitt sumarið, en enn á ný var farið í það að flytja inn drottningar.
Í byrjun ágúst voru búin til nokkur ný bú( afleggjarar), þannig að á haustdögum 2007 voru um 14 bú vetruð. Menn voru að fá þetta milli 10 og 35 kg af hunangi úr búi.
Þrjú bú lifðu af veturinn þ.a. 1 hjá mér og 2 hjá Kristjönu (á Seltjarnarnesi)

2008

Í ár (´08)fluttum við enn á ný inn bú frá Noregi en vegna óhappa drápust 13 þeirra á leiðinni og strax eftir komuna til landsins en 26 bú lifðu, nokkur löskuð mjög. Tvö bú höfnuðu í fljótsdalnum, 2 í Ölfusi ,2 við rætur Heklu og afgangurinn á höfuðborgarsvæðinu (þar af 11 við Elliðavatn). Sum þessara búa eru verulega árásargjörn önnur með besta móti hvað varðar umgengni. Sumarið hér sunnanlands var með því besta sem gerist og söfnuðu búin miklu hunangi. Hausthátíð býflugnabænda var haldinn á Landbúnaðarsýningunni Gaddstaðaflötum Suðurlands. Þar vöktu býflugurnar mikinn áhuga og hunangið enn meiri lukku enda seldist nær allt hunang 4 býflugnabænda upp. Samtals fengum við um 490 kg hunang frá þessum búum og meðalhunangsframleiðsla/bú um 19 kg þó gáfu að minsta 2 bú rúmlega 40 kg hvort.

26 bú voru vetruð um haustið.

2009

6 bú lifðu veturinn og af þeim og innfluttum búum voru vetruð 40 bú sjá nánar undir fréttir hér til vinstri