Skipt um drottningu:

Þegar ný drottning er sett til búsins er nauðsynlegt  að:

·         Búið verður að vera drottningarlaust ( 1 klst).

·          Drottning sem setja á til verður að hafa eðlað sig, byrjuð að verpa

·         Góðir aðdrættir(nektar) verða að vera til staðar, veðrátta góð og býfl. á fullu að flytja fóðuraðföng í búið ( annars verður að gefa fóður).  

·         Þarf að gerast á réttum árstíma.

Því fleiri af þessum  þáttum sem eru til staðar því betur ganga drottningarskiptin, algengast er að skipta út dr. á haustin en erfiðara á vorin og snemmsumars.

Mín aðferð er sú að:

·         ég fjarlægi gömlu drottninguna,

·         tekur burt einn ramma í búinu og opna vel á milli þar sem gamla drottningin gekk síðast, þannig að  pláss sé fyrir einn ramma, þá safnast ungar bf þar til að byggja út plássið með vaxi, en þær eru mun líklegri að taka nýrri dr.

·         bíð í eina klukkustund, þá eru bf vel meðvitaðar um að dr er horfin.

·         tek nýja drottningu í sínu litla drottningarbúri, krem gömlu drottninguna á sendingarbúrinu þannig að lykt gömlu drottningar komi á búrið,

·         set nýju dr í búrinu (tek burt tappann svo bf geti étið dr út) í opið sem ég myndaði á milli rammanna og þrýsti þeim saman, set í aukaramman sem ég fjarlægði út til hliðarinnar

·         kíki síðan viku seinna og athuga hvort dr. sé byrjuð að leggja egg.

Maður verður að gæta mjög vel að í sendingabúrinu er plast- eða korktappi í fóðurgangi sem maður verður að fjarlægja, þar sem býfl. eiga að éta upp fóðrið svo þær komist að drottningu, auk þess að það verði ekki of þröngt að drottningarbúinu þannig að drottningin klemmist eða drepist ekki þegar maður setur búrið milli rammana.

Við mjög árásargjörn bú hefur mér tekist best upp á þann hátt að ég búra gömlu drottningar tvo sólarhringa og hef búrið inn á milli ramma, tek síðan nýja drottningu í hennar búri, krem gömlu drottninguna á nýja búrinu, set nýja búrið á sama stað og gamla dr var og fjarlægi tappan svo býfl.  geti etið fóðrið og hleypt út nýju dr. Þá hafa býfl. í gamla búinu orðið varar við það að eitthvað er að gömlu drottningunni þ.e. að hún er hætt að verpa, enda getur hún það ekki í einangrun og eru því sáttar við að taka nýja drottningu sérstaklega vegna lyktar af gömlu drottningunni á nýja búrinu.

17 sendibúr með drottningum og fylgiflugum.